“Buxoro hududiy elektr tarmoqlari korxonasi” AJ

So’ngi yillarda Mamlakatimizda elektr energetikasi sohasini jadal rivojlantirish bo‘yicha keng qamrovli, izchil islohotlar amalga oshirilmoqda. Bunda elektr energiyasini ishlab chiqarish quvvatlarini oshirish, mavjud tarmoqlarni modernizatsiya qilish hamda energiya tejamkor texnologiyalarni joriy etish ustuvor vazifa sifatida belgilangan. Yangi elektr stansiyalarini qurish, mavjudlarini rekonstruksiya qilish orqali aholiga va iqtisodiyot tarmoqlariga uzluksiz va sifatli elektr energiyasi yetkazib berish imkoniyatlari kengaymoqda.

✅ Batafsil

“Buxoro HETK” AJ matbuot xizmati

“Buxoro hududiy elektr tarmoqlari korxonasi” AJning Ko’p kvartirali uylarni ta’mirlash hamda ekspluatasiya qilish guruhi xodimlari tomonidan 2025-2026-yillarda kuz-qish mavsumiga puxta tayyorgarlik ko‘rish va aholiga sifatli elektr energiyasini yetkazish maqsadida ko‘p qavatli uylarni 0,4kV taqsimlash elektr shitlarini ta’mirlash ishlari olib borilmoqda.

Avval xabar berganimizdek, “Buxoro hududiy elektr tarmoqlari korxonasi” AJ tomonidan kuz-qish mavsumiga puxta tayyorgarlik ko’rish, hududlar elektr ta’minotini yaxshilashga qaratilgan bir qator chora – tadbirlar amalga oshirilib kelinmoqda.
Xususan, Podstansiyalar xizmatgohi xodimlari tomonidan yuqori kuchlanishdagi podstansiyalarda joriy va mukammal ta’mirlash ishlari olib borilmoqda. Jumladan, “Sharq” 35/6 kV podstansiyasida ta’mirlash ishlari amalga oshirildi. Podstansiyada obodonlashtirish, estetik holatini yaxshilash, elektr qurilmalarni bo‘yoqlash hamda qizishini oldini olish, ulanish nuqtalarini ko’rikdan o’tkazish va mahkamlash, sozlash, podstansiyalardagi kuch transformatorini moy sathini me’yor holatga keltirish ishlari olib borildi.

Bugun elektr ta’minotini mustahkamlash borasida muhim yangilanish ishlari amalga oshirilmoqda. Mustahkam tayanchlar o‘rnatilib, zamonaviy elektr uzatish tarmoqlari qurilmoqda. Har bir qad rostlayotgan yangi tayanch — ishonchli quvvat manbai, har bir yangilangan tarmoq esa — yorug‘lik va farovonlik sari tashlangan qadamdir. Xususan, G’ijduvon tumanining “Qo’rg’on” MFY Shokirobod qishlog’ida qurilish va montaj ishlari avjida. Hududga maxsus texnikalar yordamida 33 dona mustahkam temir beton tayanchlari rostlanib, 1 400 metr uzinlikdagi himoyalangan SIP kabellarini tortilmoqda. Shuningdek, quvvati 160 kVA bo’lgan transformator punkti yangilanib, shahar tipidagi 400 kVAli transformator punkti o’rnatilmoqda.
Bu esa nafaqat elektr ta’minotining sifatini oshiradi, balki mahalladagi 300ga yaqin xonadonga elektr energiyasini barqaror, uzluksiz, xavfsiz va samarali yetib borishni ta’minlaydi.